Меркель құралақан қалды, Мерц қайтадан ХДО партиясы төрағасы болып сайланды

Фридрих Мерц қайтадан Христиан-демократиялық одақ (ХДО) партиясының төрағасы болып сайланды. 20 ақпанда Штутгарт қаласында өткен консервативтік партия съезінде делегаттардың 90 пайыздан астамы Германия канцлерін қайта сайлауды қолдап дауыс берді, деп хабарлайды Orda.kz.      

Дауыс беру 15:15-ке жоспарланғанымен, шара жоспар бойынша өтпеді. Алдымен Мерцтің сөзі белгіленген уақыттан кеш басталып, 70 минуттан астам уақытқа созылды. Кейін электрон жүйесіндегі ақауға байланысты дауыс беру қағаз бюллетеньдер арқылы өткізілді. Бірінші турда Мерц күтпеген жерден жеткілікті дауыс жинай алмады, сондықтан екінші тур ұйымдастырылды. Бұл туралы Die Welt басылымы жазды.

Нәтижесінде Мерцтің қайта сайланғаны туралы 18:40-та үш сағаттан астам кешігіп жарияланды. Германияның бұрынғы канцлері әрі ХДО мүшесі Ангела Меркель бұл сәтті күтпей, съезден ертерек кетіп қалған. Хабарланғандай, ол сол күні Берлинге қатынайтын соңғы пойызға үлгеру үшін кеткен. Бұған дейін Меркель «канцлермен және оның жұбайы Шарлоттамен достық рәуіште қоштасқан». Die Welt атап өткендей, ол Мерц үшін маңызды дауыс берулер нәтижесін жариялау сәтіне алғаш рет қатыспай отырған жоқ.

Бұған дейін, 2024 жылғы мамырда өткен ХДО съезінде де Мерц шамамен 90 пайыз дауыс алған еді. Ол партияны алғаш рет 2022 жылы, коронавирус пандемиясына байланысты онлайн форматта өткен съезде басқаруға кіріскен. 2025 жылғы 6 мамырда Фридрих Мерц Германия үкіметін басқарып, ел тарихындағы оныншы федералдық канцлер атанды.

Оқи отырыңыз:

• Саяси аренада өз орны бар Меркельді кім ауыстырады?
• Минск келісімі бойынша жұмыстарға Германия канцлерінің көңілі толмайды 
• Германия «ядролық қалқан» қалыптастыруды талап етті 
• Германияда қағаз тапшылығынан сайлау өтпеуі мүмкін