«Мені қазір ауыстыру мүмкін емес»: Зеленский Трампқа жауап берді

19 ақпанда өткен баспасөз мәслихатында Украина президенті Владимир Зеленский АҚШ президенті Дональд Трамптың Украинада президенттік сайлау өткізу туралы ұсынысына жауап берді, деп хабарлайды Orda.kz.

Зеленский Трамптың оның сенім рейтингі 4% деген сөзі Ресейдің таратқан ақпаратына негізделгенін атап өтті.

«Бұл туралы Ресей мен АҚШ арасында талқыланды деген дәлелдеріміз бар», – деді Украина басшысы.

Украинада сайлау өткізу қажеттілігі мен Зеленский қызметінің заңдылығы туралы мәлімдемелерді жиі Ресей президенті Владимир Путин көтереді.

«Мені қазір біреу ауыстырғысы келсе де, бұл мүмкін емес», – деп мәлімдеді Зеленский.

Ол сондай-ақ, Трамптың Ресейге қатысты саясатын сынап, оның соғысты «аумақтық тұтастықтың бұзылуы» немесе «қақтығыс» деп атауын қате деп есептейтінін айтты.

«Украина соғысты соғыс деп атау үшін барын салып жатыр», – деп жазады «Суспiльне».