Маңғыстауда ауыз су мәселесі шешіле ме?
Бірақ тапшылықты 7 есеге азайтуға болатынын Маңғыстау облысының энергетика және тұрғын үй-коммуналдық шаруашылық басқармасының басшысы Әбдеш Түрікменбаев мәлімдеді, деп хабарлайды Orda.kz порталы.
Оның сөзінше, жазда су тапшылығын азайту үшін тәулігіне 77 мың текше метрден 11 мың текше метрге дейін төмендету жоспарланған. Мұны Сайын Шапағатов, Баянды, Ақшұқыр, Кендірлі ауылдарында, сондай-ақ Ақтау, Форт-Шевченко қалалары мен Қаражанбас кен орнында "Астрахань-Маңғышлақ" су құбыры мен Маңғыстау энергокомбинаты есебінен су тұщыту қондырғыларының өнімділігін арттыру арқылы жүзеге асыру қолға алынбақ.
«2025 жылға дейін қуаттылығы 286 мың текше метр болатын 9 жобаны кезең-кезеңімен іске асыру жоспарлануда. Алғашқы жобалардың бірі - "Қаражанбас" кен орнында қуаттылығы тәулігіне 17 000 текше метр суды тұщыландыру зауыты жұмыс істейді. Осы уақытқа дейін кәсіпорын «Астрахань-Маңғышлақ» су құбырынан су алды. Енді зауыт толық іске қосылғаннан кейін босатылған 17 мың текше метр су Жаңаөзен, Жетібай, Ақшымырау, Мұнайшы, Тұщықұдық, Қызан, Бейнеу ауылдары және басқа да елді мекендер тұрғындарының мұқтаждықтарына бағытталатын болады», - дейді энергетика және тұрғын үй-коммуналдық шаруашылық басқармасының басшысы.
«Ал, Маңғыстау облысының энергетика және ТҮКШ басқармасы басшысының орынбасары Серікқали Қанапин: «Өңірде ауыз суға сараланған тарифті енгізу халық арасында төлем жасау бойынша қиындықтар туғызбайды. Бұл мемлекеттің субсидия беруіне байланысты шешіледі. - 2023 жылы облыстың 46 елді мекенінде 431 мыңнан астам тұрғын ауыз суды субсидиялаумен қамтылды. Тұтынылған ауыз судың 1 текше метріне тұрғындар 70-80 теңге төледі, ал қалған айырма бюджеттен субсидияланды», - деп атап өтті.
Оның сөзінше, биыл қосымша 10 елді мекенді субсидиямен қамту жоспарлануда. Осылайша, 434,7 мың тұрғынды қамтитын 56 елді мекен субсидияланатын болады.
Су тапшылығын жою бойынша қабылданып жатқан шаралар туралы ақпаратты «МАЭК» ЖШС Бас директоры Қайрат Рахымов та ұсынды.
«Каспий теңізінің деңгейі төмендеген кезде теңіз суының тұрақты берілуін қолдау үшін ЖЭО-1 су жинау каналының өткізу қабілетін арттыру бойынша жобалар әзірленуде. Қазіргі уақытта бұл арнадағы су деңгейі 1,5-2 метрді құрайды. Бұл көрсеткіш жарты мертрге дейін азайып кетті. ЖЭО ғана емес, басқа да нысандарға су жеткізуге кесірін тигізуде. Қазір МАЭК-те екі метрге дейінгі белгіге жету мақсатында негізінен арна түбін тереңдету жұмыстары жүргізілуде. Тазарту үшін өзіміздің инновациялық дамуымызбен жер снарядын қолданатынымызды атап өткім келеді. Біздің мамандар «шаңсорғыш» режимін оңтайландырды, бұл үздіксіз тазалауға және «Каспий» тұщыландыру зауыты үшін қиындықтар туғызбауға мүмкіндік береді», - деді Қайрат Рахымов.
Жаңалықтар
- Ақмола облысындағы «Таза Қазақстан» акциясына БАҚ өкілдері қатысты
- Еліміздегі су тасқыны жағдайы: 36 мыңнан астам адам үйлеріне оралды
- Анкарада Қазақстан мен Түркия дипломаттары екіжақты ынтымақтастық мәселелерін талқылады
- Тоқаевқа елорданы одан әрі абаттандыру және жақсарту жоспары көрсетілді
- Солтүстік Қазақстан облысында 100 жаңа үйдің құрылысы басталды
- ҚР Денсаулық сақтау министрлігі медициналық қызмет тарифтердің көтерілетінін хабарлады
- Президент сенбілікке қатысты
- Халық банкі Құлыбаевтар компаниясына 193 миллиард теңгеге жуық дивидендт төлейді
- «Қайрат» - «Ақтөбе» ойынынан кейін футбол жанкүйерлері жауапқа тартылды
- Оралда ер адам су басқан үйінде бірнеше күн көмек күтіп жатқан
- Жем мен Ойыл өзендеріндегі көпірлер су тасқынының астында қалды
- Балқаш көлінің жағасында қамыс өртеніп жатыр
- Астана әуежайы түнгі уақытта рейстерді қабылдамайды
- Атырауда су тасқынына қарсы шаралар күшейтілді
- Ақтауда әкімнің орынбасары қоғамдық тыңдауға 100 шелек су әкелді
- Мемлекет басшысы «Қазақстан Республикасының Мемлекеттік наградалары туралы» заңға қол қойды
- Таразда 130 адамды алдаған алаяқтар тобы ұсталды
- Тәжікстанның СІМ ел азаматтарының Ресей Федерациясын шекарасын кесіп өтуіне қатысты проблемалар туралы хабарлады
- Мамыр айында қазақстандықтар қанша күн демалады?
- Тирандар психологиялық түзетуден өтуі керек