Маңғыстау облысында 7 баланың әкесі әйелін пышақтап өлтірді

Маңғыстау облысында кеше, 29 қаңтар күні әйел адам пышақ жарақатынан мерт болды, деп хабарлайды Orda.kz. 

Қайғылы оқиға Қызылсай ауылында болған. Алдын ала мәліметтер бойынша, 43 жастағы ер адам жұбайына пышақ жарақатын салған. Алған жарақаттарынан әйел адам оқиға орнында көз жұмды. Әуелі ер мен әйел отбасылық мәселе бойынша жанжалдасыпты. Жанжал соңы қайғылы қазамен аяқталды. 

Ерлі-зайыптылардың жеті баласы бар екені айтылуда.

Облыстық полиция департаментінің мәліметінше, аталған факті бойынша ҚР ҚК 99-бабының 2-бөлігімен («Адам өлтіру») қылмыстық іс қозғалды. Күдікті ұсталып, уақытша ұстау изоляторына қамалды.

Айта кетейік, Ақмола облысындағы Қосшы қаласында орналасқан спорт кешендерінің бірінде 10 жастағы қыз бала қайтыс болды.