Мұрат Бектанов Қорғаныс министрі болып тағайындалды

Мұрат Бектанов Қорғаныс министрі болып тағайындалды.

Бұл туралы Orda.kz хабарлады.

- Бектанов Мұрат Кәрібайұлы Қазақстан Республикасының Қорғаныс министрі болып тағайындалсын, - делінген Ақорданың хабарламасында.

Бектанов Мұрат 1965 жылы 18 қыркүйекте Солтүстік Қазақстанда дүниеге келген.

Әр жылдардағы қызмет барысы:

• Мотоатқыштар взводының командирі (1989-1990);
• Десанттық шабуыл взводының командирі (1990);
• Әуе шабуыл батальонының барлау бастығы (1990-1993);
• Алматы жоғары құрама командалық училищесінің курсанттар взводы, рота командирі (1993-1997);
• Штаб бастығы-ШОБ командирінің орынбасары (1997-1998);
• ҚР Қорғаныс министрлігі Жауынгерлік дайындық департаментінің офицері (1998);
• ҚР Қарулы Күштері Бас штабының жедел жоспарлау бөлімінің аға офицері (2000-2001);
• Республикалық гвардия әскерлерінің дирекция бастығы, операциялық дирекция бастығы, жауынгерлік қызмет және даярлық бөлімінің бастығы (2001-2005);
• ҚР Қорғаныс министрлігі Штабтар бастықтары комитетінің Операциялық жоспарлау басқармасы бастығының орынбасары (2007-2010 жж.);
• ҚР Қорғаныс министрлігі Штабтар бастықтары комитетінің Операциялық жоспарлау департаментінің бастығы (2010-2013);
• ҚР «Шығыс» өңірлік қолбасшылығы әскерлерінің қолбасшысы (07.2013-06.2016);
• ҚР Қарулы Күштері Құрлық әскерлерінің бас қолбасшысы (09.2016-04.2019);
• ҚР Қорғаныс министрінің бірінші орынбасары - Қазақстан Республикасы Қарулы Күштері Бас штабының бастығы (05.04.2019 ж. - бүгінгі күнге дейін).