Күш қолданып қорқытқан: СҚО-да пайызға қарыз беріп, қаражатын екі еселеп алатын күдікті ұсталды

СҚО-да күдікті заңсыз кәсіпкерлікпен айналысып, алаяқтық жасаған. Адамдардың сеніміне кіріп, пайызға ақша берген. Бірақ қаражатын еселеп қайтартқан. ҚМА тергеуді аяқтады, деп хабарлайды Orda.kz. 

2013 жылдан 2025 жылға дейін күдікті тиісті лицензиясыз адамдарға пайызға жүйелі түрде қарыз беріп келген. Келісімшарттарда нақты берілген ақшадан едәуір жоғары қаражат көрсетілген. Себебі құжатта алдын ала есептелген сыйақы қосылып отырған.

Сондай-ақ күдікті мүлікті сатып алу-сату туралы жалған шарттар рәсімделген. Нәтижесінде заңсыз қызметтен түскен табыс 1,8 млрд теңгеден асты.

Күдіктінің кесірінен пайызға ақша алған адамдар зардап шеккен. Оларға жоғары пайыздық мөлшерлемелер ұсынылған.

Күдікті жәбірленушілерге жүйелі түрде күш қолданып, психологиялық қысым көрсетіп келген. Сонымен қатар,  ол 11 млн теңге көлеміндегі бір қарызды екі рет өндіріп алғаны анықталды. Күдікті қамалды.

Қылмыстық іс сотқа жолданды.

Оқи отырыңыз:

• ҚМА криптовалютаға қатысты мен заңсыз операциялары байқалғанын хабарлады
• ҚМА қызметкері мемлекеттік құпияларды жария етті
• Қазақстанда заңсыз ойын бизнесін ұйымдастырған АҚШ пен Украина азаматтарына іздеу салынды