ҚТЖ-ның экс-директоры адам ұрлады деген күдікпен іздестіріліп жатыр

Құқықтық статистика және арнайы есепке алу порталында Марат Әмзеев іздестірілуде, деп хабарлайды Orda.kz.

Астана қаласының Байқоңыр ауданының полиция басқармасы 1975 жылы туған Марат Әмзеевті іздестіруде. Әмзеев 2012 жылы ҚТЖ-ның Ресурстық қамтамасыз ету дирекциясы филиалын басқарған.

12 жыл бұрын Әмзеев бизнес-серіктесін ұрлап кетті, азаптады деген ақпарат тараған. «Время» газеті ол уақытта Астананың орталығында Қызылордалық кәсіпкер Әбдіжаппар Қожахметовтің ұрланғанын жазды. Жәбірленуші осы оқиғадан кейін әпкесінің пәтері мен көлігін басқа біреуге жазып беруге мәжбүр болған.

Қазіргі уақытта полиция бұл іс бойынша ақпарат беруден бас тартты.