КҚК теңіз терминалына жасалған шабуылдан ВПУ-2 жарамсыз болып қалды

Каспий құбыр консорциумы (КҚК) теңіз терминалында болған күрделі оқиға туралы мәлімдеді: 29 қараша күні таңертең жылжымалы айлақ құрылғысына ұшқышсыз ұшақ шабуыл жасады, деп хабарлайды Orda.kz.

Оқиғадан кейін Новороссийск портының капитаны барлық жүк тиеуді тоқтатуға бұйрық берген, ал танкерлер акваториядан шығарылды. Қызметкерлер мен мердігерлер арасында зардап шеккендер жоқ. Қауіпсіздік жүйелері мұнай құбырларын автоматты түрде жауып тастады, теңізде ешқандай ағулар тіркелген жоқ.

КҚК ВПУ-2-ні  одан әрі пайдалану мүмкін болмай қалғанын атап өтті. Терминалға мұнай жөнелту тек қауіпсіздік қалпына келтірілгеннен кейін ғана қайта басталады.

Каспий құбыр консорциумы Ресейдің, АҚШ-тың, Қазақстанның және Батыс Еуропаның бірқатар елдерінің ЖЭК ірі кәсіпорындарын біріктіреді.

«КҚК-ға жасалған шабуыл –  бұл бірлестікке қатысушы елдердің мүддесіне де соққы деп есептейміз. Айта кетейік, бұл халықаралық құқық қорғауындағы тек азаматтық нысанға қарсы үшінші агрессия актісі. Бұған дейін «Кропоткинская» МАС шабуыл жасап, Новороссийсктегі КҚК әкімшілік кеңсесіне зақым келтірген» деп атап өтті КҚК баспасөз қызметі. 

Каспий құбыр консорциумы Қазақстанның үш ірі кен орнынан: Теңіз, Қашаған, Қарашығанақтан мұнай тасымалдауды қамтамасыз етеді. 2024 жылы ауыстырып тиеу көлемі 63 миллион тоннаға жуық мұнай тасымалдады, бұл ретте көрсетілген мөлшердің 74% -ға жуығы шетелдік жүк жөнелтушілердің үлесіне тиесілі, олардың ішінде ең ірілері - Теңізшевройл (Шеврон), ЭксонМобил, Қазмұнайгаз, Эни және Шелл.

Осыдан төрт күн бұрын Украина дрондарының түнгі шабуылынан Новороссийск маңындағы Каспий құбыр консорциумы теңіз терминалы зардап шеккен болатын.

Тамыз айында Каспий құбыр консорциумы (КҚК) терминал акваториясында мұнай төгіліп,  салдарын жою жұмыстары  жүргізілді.