Қазақстанның Солтүстік аймағында халыққа мерзімі өткен вакциналарды салмақ болған

Солтүстік Қазақстанда мерзімі өткен вакциналардың қоймаларда жатқаны  анықталды, деп хабарлайды Orda.kz порталы.

Облыстық денсаулық сақтау мекемелерінде медициналық мақсаттарды ұтымсыз пайдалану, жалған екпе салу мен құжаттарды бұрмалау секілді заң бұзушылықтар анықталды.

Санитарлық ережелерді бұза отырып, денсаулық сақтау қоймасында 7,8 млн.теңге сомасында 1,8 мың доза көлемінде қызылша, паротит, қызамық және А гепатитіне қарсы жарамдылық мерзімі өтіп кеткен вакциналар болғаны анықталды.

Прокуратура органдарының материалдары негізінде Петропавл қалалық полиция басқармасы Қазақстан Республикасы Қылмыстық кодексінің 385-бабы «Жалған құжаттарды қолдан жасау, дайындау және өткізу бойынша» сотқа дейінгі тергеп-тексеруді бастады, тергеу әрекеттері жүргізіліп жатыр.

Анықталған заң бұзушылықтардың негізі медициналық мекемелердің Бюджет кодексінде көзделген заңды негіздемесіз иммунобиологиялық препараттарды сатып алуға өтінімдерді қалыптастыруына байланысты болған.