Қазақстанда терроризм туралы жалған қоңыраулар көбейді

Ішкі істер министрлігі 2023 жылы лаңкестік актісі туралы жалған хабарламалар өткен жылмен салыстырғанда 12 пайызға өскенін хабарлады.

Биылдың өзінде мұндай 160 қылмыстық іс тіркелсе, былтыр 10 айда 141 болған.Осындай қоңыраулар мен хабарламалар үшін барлығы 39 адам жауапқа тартылып, оның 12-сі әртүрлі мерзімге бас бостандығынан айыру және шектеу жазасына кесілген. 

«Сонымен қатар, жалған миналау көбінесе көлік инфрақұрылымы, білім беру, денсаулық сақтау және сот объектілері бар. Естеріңізге сала кетейін, бұл қылмыс үшін қылмыстық жауапкершілік 14 жастан басталады. Жалпы, биыл полиция 14 кәмелетке толмаған жасөспірімді қасақана жалған лаңкестік әрекеттер жасағаны үшін ұстады. Алматыда – 6, Қарағанды ​​облысында – 4, Астана, Жамбыл, Маңғыстау және Павлодар облыстарында бір-бірден. Сондай-ақ олардың ата-аналары балаларын тәрбиелеуге тиісті шара қолданбағаны үшін әкімшілік жауапкершілікке тартылып, ірі көлемде айыппұл салынды», - деді ІІМ Экстремизмге қарсы күрес басқармасының аса маңызды істер жөніндегі аға тергеушісі Азамат Хасенов

Қылмыстық кодекске сәйкес, терроризм туралы жалған хабарлар үшін 5 мың айлық есептік көрсеткіш (17 миллион теңге) көлемінде айыпұл немесе бес жылға дейін бас бостандығынан айыру қарастырылған. Сонымен қатар, сот нысанға келтірілген залалды өтеуге мәжбүрлейді. Бұл сома бір нысанға қоңырау шалу үшін 200 мыңнан 2 миллион теңгеге дейін ауытқиды.