Қазақстанда Ирандағы соғысқа байланысты бірқатар әуе рейстері тоқтады

Ләззат Сұңқар
cover Фото: Air Astana

Қазақстанның Таяу Шығыс бағытындағы бірқатар әуе рейстері Ирандағы соғысқа байланысты тоқтатылды, деп хабарлайды Orda.kz. 

Сенбі күні Air Astana әуе компаниясы келесі рейстердің тоқтағанын мәлімдеді:

«28 ақпанда Иран әуе кеңістігінің жабылуына және өңірдегі тұрақсыз жағдайға байланысты келесі өзгерістер болды. KC263 Алматы – Медина, KC897 Алматы – Дубай, KC653 Алматы – Доха, KC205 және KC207 Астана – Дубай рейстері ұшу әуежайларына кері қайтарылды. KC899 Алматы – Дубай рейсі Дели қаласына бағытталды, ал FlyArystan компаниясының FS7617 Ақтау – Дубай рейсі қосалқы әуежайға қонды. 28 ақпандағы Таяу Шығыс бағытындағы өзге рейстердің барлығы тоқтатылды».

Еске салайық, 28 ақпанда Израиль Иранға шабуыл жасады, ал АҚШ президенті Дональд Трамп Иран аумағында ауқымды әскери іс-қимылдардың басталғанын мәлімдеді.

Оқи отырыңыз:

Жаңалықтар

барлық жаңалықтар

22.12.2020 жылы берілген
№KZ05VPY00030397 мерзімді баспасөз басылым және ақпараттық агенттік
тіркеу туралы куәлік.

© ORDA, . Пайдалану ережелері