Каспий теңізінің деңгейі көтерілді

2024 жылы Атырау облысындағы Каспий теңізінің солтүстік-шығыс бөлігінің деңгейі сәуір-мамыр айларында Жайық өзені бойына тасқын сулар ағыны есебінен 119 см-ге көтерілді.

Бұл туралы су ресурстары министрлігі хабарлады.

Сәуір-мамыр айларында Жайық өзені бойымен Каспий теңізіне шамамен 7,4 млрд текше метр су құйылды.

Тасқын суларды тиімді арнаға жіберу үшін Атырау облысындағы «Қазсушаруашылығы» филиалы қосымша каналдарды пайдаланып, олар арқылы теңізге 350 миллион текше метр су келді. Соколок каналының бойынан ұзындығы 14,5 шақырым қосымша арна тартылды.

Сондай-ақ, 12,4 млрд текше метр тасқын суы су қоймаларына, сағаларға және шабындықтарға жіберілді.  Су ресурстары және ирригация вице-министрі Нұрлан Алдамжаровтың айтуынша Балқаш көліне 3,3 миллиард текше метр су, Солтүстік Аралға жыл басынан бері 1,1 миллиард текше метрден астам су келді.