Қайрат Боранбаев 120 миллиард теңгенің мүлкін мемлекетке қайтарды

Қылмыстық мүлікті заңдастыруға қатысы бар Қайрат Боранбаев мемлекетке 120 миллиард теңгенің мүлкін қайтарды.

Қаржы мониторингі агенттігінің хабарлауынша, Боранбаевқа қатысты тергеу аясында активтерді мемлекет меншігіне өз еркімен қайтару шаралары қабылданған. Оның ішінде құны 90 миллиард теңгеден асатын мұнай кеніші, газ таратушы компания, қызмет көрсету кәсіпорны, қонақ үй және сауда-ойын-сауық кешендері, фитнес-сауықтыру орталықтары желісі мен кеңселік үй-жайлар бар.

Боранбаев сондай-ақ Білім беру инфрақұрылымын қолдау қорына 30 млрд теңге аударды.

«Бұл нысандардың барлығы мемлекеттік органдар мен компаниялардың балансына беріліп, қаражат білім беру инфрақұрылымын дамытуға жұмсалады» деп атап өтті ҚМА.