Иранның шабуылы үдеді: Зымыран Беэр-Шевадағы ауруханаға түсті

Таңғы сағат 7 шамасында Израиль қорғаныс әскері (ЦАХАЛ) Иранның зымыран шабуылы басталғанын мәлімдеп, бүкіл ел бойынша әуе дабылын қосты, деп хабарлайды Orda.kz.

The Times of Israel ақпараты бойынша, зымырандардың бірі елдің оңтүстігіндегі Беэр-Шева қаласындағы «Сорока» ауруханасына түскен.

Жергілікті БАҚ ауруханадан түсірілген бейнежазбаларды жариялап үлгерді. Залал көлемі анықталып жатыр. Жарақат алғандар туралы ресми ақпарат әзірге жоқ.

Шабуылдан кейін Израильдің орталық және оңтүстік бөлігінде кем дегенде төрт зымыранның құлаған орны анықталды. Тель-Авив, Рамат-Ган және Холон қалаларындағы бірнеше ғимаратқа тікелей соққы тиген.

Ynet порталының хабарлауынша, Холонда үш адам, Рамат-Ганда он екі адам жарақат алған.

Еске салайық, бұған дейін Израиль Иранның қарулы күштерінің бас штабының жаңа басшысы болып тағайындалған Иран генералын Әли Шадманидің көзін жойды.