Иранның астанасы ауысады

Ел астанасы Тегераннан Парсы шығанағы жағалауына көшіріледі, деп хабарлайды Orda.kz.

Иран президенті Масуд Пезешкиан Иран басшылығының елдің саяси және экономикалық орталықтарын республиканың оңтүстік шекараларына, Парсы шығанағы жағалауларына көшіруден басқа жол жоқ екенін мәлімдеді.

«Бұл мәселені елемесек, біздің еліміз болашақта экологиялық дағдарысқа және басқа да көптеген мәселелерге тап болуы мүмкін»,  деді Иран басшысы министрлер кабинеті отырысында.

Тегеран әлемде халқы ең көп шоғырланған қаланың бірі. Зілзала қаупі де жоғары. Су тапшылығы тағы бар. Таулы аймақ болған соң, жаңа инфрақұрылым нысандарын салу оңай емес. Сонымен қатар,  жаңа астана таңдалғаннан кейін барлық мемлекеттік ведомстволар көшіріледі. Тегерандықтарға республиканың жаңа астанасына көшуге мүмкіндік берілетінін атап өтті.