Иран соғысында қол ұшын бермеген еуропалықтарға Трамптың өкпесі қара қазандай

17 наурызда Ақ үй басшысы Еуропа елдерінің көшбасшыларына көңілі толмайтынын бірнеше рет қайталап айтты, деп хабарлайды Orda.kz.      

Ол алдымен Франция президенті Эммануэль Макрон елі АҚШ-қа Ормуз бұғазын ашу операциясында көмектеспейтініне реніш білдірді.

«Жақын арада ол қызметінен кетеді»,– деп Трамп Макронның Франция президенті қызметінен кететінін сәуегейлікпен болжады.

Сондай-ақ Ұлыбритания премьер-министрі Кир Стармер де Трамптың сынына ұшырады. Трамптың пікірінше, ол Ирандағы соғысқа жеткілікті қолдау көрсетпеген.

Бұл жағдай Трамптың ашулы жазбасымен аяқталды. Онда ол НАТО елдерінің Иранға қарсы соғысқа қатысудан бас тартқанын сынға алды.

«Олардың әрекетіне таңғалмаймын, себебі мен әрқашан НАТО-ны біржақты ұйым деп есептедім. Біз жыл сайын осы елдерді қорғау үшін жүздеген миллиард доллар жұмсаймыз. Біз оларды қорғаймыз, ал олар біз үшін ештеңе істемейді, әсіресе қиын сәтте» деп жазды Трамп өзінің жеке парақшасында. 

Өткен аптада АҚШ президенті Дональд Трамп Иранға қарсы әскери операцияда «кестеден озып жеңіп жатырмыз» деп мәлімдеген болатын. Алайда соңғы оқиғалар мен нақты нәтижелерге қарағанда, Ақ үйдің ресми мәлімдемелері мен майдандағы жағдай арасында айтарлықтай қайшылық бар. Сарапшылардың пікірінше, соғыс барысы Трамп әкімшілігінің бірнеше стратегиялық қателігін көрсетті. Осы тақырыпқа арналған тілшіміздің шолу материалын толық мына сілтемеден оқи аласыздар. 

Оқи отырыңыз:

• Кубадағы толық блэкаут: Энергетикалық дағдарыс, Трамп қысымы және көшедегі наразылық
• Франция президенті Эммануэль Макрон Тоқаевқа бірлесіп жұмыс істеуге дайын екенін айтты
• Мелания Трамп БҰҰ Қауіпсіздік кеңесі отырысын өткізіп, сынға қалды