Хакер Жамбыл облысындағы ауруханадан 350 миллион теңге ұрлады

Ақтөбеде үстіміздегі жылдың мамыр айында Жамбыл облыстық балалар ауруханасының шотынан ақша «суырып алған» күдікті ұсталды, деп хабарлайды Orda.kz тілшісі.

Арнайы бағдарламалар арқылы хакер балалар ауруханасы бас есепшісі орынбасарының компьютеріне рұқсатсыз қол жеткізген. Осыдан кейін ол аурухананың банктік шотынан жалған компаниялар есепшотына 350 000 000 теңге аударған.

Қылмысының ізін жасырған хакер компьютердегі бағдарламалық жасақтаманы өшіріп, ақшаның бір бөлігін банкомат арқылы шығарып, қалған соманы банктен шығармақ болған. Бірақ құқық қорғау органдары араласқаннан кейін күдікті операциялар тоқтатылды.

Атап айтқанда, банк хакер ұрлаған соманың бір бөлігін аурухана шотына қайтарды (295 364 880 теңгенің қолды болуына тосқауыл қойылды).

Тараз қалалық полиция бөлімі күдіктіге «Ақпараттық жүйеге заңсыз кіру немесе телекоммуникация желілері арқылы берілетін ақпаратты өзгерту арқылы жасалған аса ірі көлемдегі ұрлық» бабы бойынша іс қозғалып, тергеу амалдары жүргізілуде.