Италия Еуропа чемпионатының жеңімпазы атанды

Италия Англияны жеңіп, Еуропаның чемпионатының жеңімпазы атанды. Негізгі уақыт 1: 1 есебімен аяқталған, қосымша екі таймда да гол соғылған жоқ.

Бұл туралы Orda.kz хабарлайды.

Еуро-2020 финалы 12 шілдеге қараған түні Лондонның «Уэмбли» стадионында өтті. Англия ойынның екінші минутында гол соғып, алға шықты. Итальяндықтардың қақпасына гол соққан – Люк Шоу. Бұл Еуропа чемпионатының финалындағы ең жылдам гол болды.

Кездесудің 67-минутында Италия құрамасының орталық қорғаушысы Леонардо Бонуччи Англия құрамасының қақпасына гол соғып, есепті теңестірді.

Негізгі уақыт аяқталғанға дейін есеп өзгерген жоқ. Қосымша уақытта да ойын есебі өзгермеді. Ойынның тағдыры пенальти сериясында шешілді. Бұл футбол тарихындағы сериясымен аяқталған екінші ойын.

Пенальти сериясында итальяндықтар қарсыластар қақпасына 3 гол соғып, 53 жыл өткеннен соң Еуропа чемпионы атанды.