Елге жүлдемен оралған ағайынды Сабырхандарға көлік пен пәтер сыйға берілді
Фото: Шымкент қаласы әкімдігі
Ливерпульде әлем чемпионы атанған ағайынды Сабырхандарға Шымкент әкімдігі көлік пен пәтер сыйлады. Сонымен қатар, олардың әкесіне де көлік сыйға берілді, деп хабарлайды Orda.kz.
Шымкент қаласының әкімі Ғабит Сыздықбеков бокс және өзге де спорт түрлерінен Әлем және Азия чемпиондарымен кездесті.
Кездесу барысында әкімдіктегілер мен демеушілер ағайынды Сабырхандарға сый тарту етті. Махмұд Сабырхан мен Төрехан Сабырханға көлік пен пәтер кілті табысталды. Олардың әкесі Айдархан Сабырханұлына Toyota Camry 80 көлігі сыйға берілді.
«Өте қуаныштымыз. Үйімізге үш көлікпен қайтып барамыз. Әкемізге де, бізге де үлкен сый жасалды. Пәтер мен көлік сыйлаған демеушілерге, қолдау көрсеткен қала әкімдігіне алғысымыз шексіз», – деді екі дүркін әлем чемпионы Махмұд Сабырхан.
Айта кетейік, ағайынды спортшылардың екеуі де Ливерпульдегі додада алтыннан алқа тақты. Махмұд Сабырхан 55 келі салмақта жеңімпаз атанып, өзінің екінші әлемдік титулына қол жеткізді. Ал 19 жастағы інісі Төрехан Сабырхан 70 келіге дейінгі салмақта финалда жапон боксшысы Севон Окадзаваны ұтып, әлем чемпионы атанды.
Еске салайық, қыркүйек айының басында Абай облысы бокс федерациясының президенті Махат Төреәлі Олимпиада чемпионы Бекзат Саттархановтың анасы Сырлыгүл Шойбековаға Астанадан пәтер сыйлаған еді.
Жаңалықтар
- Әскерде жүрген Нұргелді Байыш есімді тағы бір сарбаз жындыханаға түсті
- «Өгей әкесі мен анасы да сотталсын»: Қарағандыда 15 жастағы қызға үйленген 38 жастағы ер адам сотталып жатыр
- Атырау облысында бетін бүркеген төрт адам ҰҚК қызметкерлеріне шабуыл жасады
- Алматы облысында жеке кәсіпкердің үйіне ұрлыққа түскендер ұсталды
- Қостанайда өз әйелі мен ұлын өлтірген 51 жастағы ер адам тұтқындалды
- Тәліптер Ауғанстанда желіні толығымен өшірді
- Тоқаев пен Трамптың бірге түскен суреті жарияланды
- Дархан Сатыбалды алматылық әлем чемпиондарын марапаттады
- Мбаппе, Винисиус, Беллингем мен Куртуа Алматының жасыл алаңында
- «Қайрат» өз алаңында «Реал Мадридке» қиындық тудыруы мүмкін — Хаби Алонсо
- Қазақстандық «Кадет» көркем фильмі Оскарға ұсынылды
- «Бір нәрсені қайталап сұрадыңыз»: Хасан Қасымбаевтың сотында адвокат судьяға 6 мәрте қарсылық білдірді
- Бейбіт Қорған ұсталды
- Елімізде сегіз өңірдің бас прокуроры ауысты
- Қытайдың бұрынғы ауыл шаруашылығы министрі өлім жазасына кесілді
- Тоқаевтың халықаралық мәселелер жөніндегі кеңесшісі тағайындалды
- Тоқаев пен Италия президенті бірін-бірі орденмен марапаттады
- «Реал Мадридтен» қорқудың еш қажеті жоқ – «Қайраттың» бас бапкері Уразбахтин
- Шығыс Қазақстан сол күйі жаңа уақыт белдеуінде қалады
- Әнші Рүстем Жүгінісов сотталды
