Екібастұзда төтенше жағдай режимі жарияланды

Екібастұзда Сәтпаев атындағы каналдың сорғы станциясындағы өрт салдарынан техногендік сипаттағы ТЖ жарияланды. Келтірілген шығын 270 миллион теңге болады.

Екібастұз қаласы әкімінің баспасөз қызметінің ақпараты бойынша, ТЖ режимін жариялау туралы шешімді төтенше жағдайлардың алдын алу және жою жөніндегі қалалық комиссия қабылдады.

Бұл туралы Orda.kz хабарлайды.

- 29 тамызда Сәтбаев атындағы канал филиалына тиесілі № 2 сорғы станциясында болған апатқа байланысты жергілікті ауқымдағы техногендік сипаттағы төтенше жағдайды жариялау туралы шешім қабылданды. Комиссия төрағасы Ардақ Қаңтарбаев жауапты лауазымды тұлғаларға бірқатар тиісті тапсырмалар берді. Апат толық жойылғанға дейін жағдай тұрақты бақылауда, - деп хабарлады Екібастұз қаласы әкімінің баспасөз қызметі.

Павлодар облысы ТЖД баспасөз қызметінің хабарлауынша, Екібастұздан 35 шақырым жерде орналасқан № 2 сорғы станциясында өрт 29 тамызда болған.

Екібастұз әкімдігінің ақпараты бойынша, ТЖ жөніндегі комиссияда өрт сорғы станциясында кернеудің бірнеше рет төмендеуі салдарынан болғанын айтты. Қазір станция тексеру, өрт салдарын жою мерзімдерін белгілеу үшін жөндеуге шығарылды. Алдын ала шығын сомасы шамамен 270 миллион теңгені құрады. Жөндеу жұмыстары шамамен 10 күн алады.

- Кейбір су қоймаларындағы су қоры болған жағдайда Екібастұз өңірі тұтынушыларына Ертістен қосымша су тартпай тағы 21 күн су жіберуге болады. Екібастұз өңірі тұтынушылары тұтынатын судың орташа көлемі айына 1,7 миллион текше метр. Қазіргі уақытта су қоры 17 миллион текше метрді құрайды, яғни тұтынушыларға су жеткізу қаупі жоқ, су қоры 5-6 айға жетеді, - деп сендірді Екібастұз әкімдігінде.