Джеки Чан Алматыда болашақ фильмі түсірілетін орындарды таңдады

Әйгілі қытай және голливуд актері Джеки Чан Алматыда болашақ фильмін түсіруге арналған орындарды таңдады, деп хабарлайды Salem Entertainment хабарламасына сілтеп Orda.kz.       

«Salem Entertainment қабырғасында әлемдік кинематографияда аңызға айналған актер, сценарист, режиссер және продюсер Джеки Чанмен жұмыс барысындағы кездесуі өтті. Біз үлкен бірлескен жобаны жүзеге асыруға кірістік. Алматыда болған уақытында актер біздің командамен бірге болашақ картинаға арналған түсірілім орындарын іріктеді. Түсірілімнің басым бөлігі Қазақстанда өтеді» деп жазылған хабарламада. 

Айта кетейік, компания әзірге жоба туралы толық мәліметті құпия ұстап отыр.

«Бірақ сеніңіздер – алда сіздерді ауқымды жаңалықтар күтіп тұр. Жаңалықтарымызды бақылап отырыңыздар, ең қызықтысы әлі алда!»  деп қосты Salem Entertainment. 

Адамдардың көбі оны  «Қайрат» — «Реал Мадрид» матчын көруге келді десе, енді бірі жеке сапар деп ойлаған. 

Биылғы 14 наурызда Salem Entertainment «Кинокөрісу» жобасын өткізді.  Сол кештің соңында Игорь Цай күтпеген мәлімдеме жасап, «Джеки Чан мен «Оскар» иегерлері Қазақстанда кино түсіреді», - деген болатын.