Депутат Әбенов: Көшеде жарысатын жүргізушілердің жазасын қатайту керек

27 наурыз 2026 10:31 Аиша Алдаяр

Бейнежазбадан скриншот

Алматыдағы бүгінде камераларға шамадан тыс сенім артылып кеткен, алайда олардың әсері көбіне қарапайым азаматтарға ғана тиіп отыр, деп хабарлайды Orda.kz.

Мұрат Әбеновтің айтуынша айыппұл көлемі қарапайым халық үшін едәуір салмақ салғанымен, ауқатты азаматтарға бұл шараның ықпалы шамалы.

«Бай адамдарға айыппұл еш әсер етпейді. Айына миллион теңгеден төлейтіндерді көрдім. Көліктері 100-200 мың доллар тұрады. Олар «менде проездной» деп айтып, 1-2 млн айыппұл төлейді де, кете береді», —деді Әбенов.

@ordaqazaqs
Мәжіліс депутаты Мұрат Әбенов қаладағы бейнебақылау камераларының ауқатты азаматтарға еш әсері жоқ екенін айтып, жол ережесін қасақана бұзатындарға жазаны қатаңдатуды талап етті. Оның сөзінше, қымбат көлік мінгендер миллиондаған теңге айыппұлды оп-оңай төлей салады. Осыған байланысты халық қалаулысы көшеде жарыс ұйымдастыратындар мен жылдамдықты шектен тыс асыратындарды мас күйде көлік айдағандармен бірдей жазалауды ұсынды. Жылдамдықты екі есе асырғандарды куәлігінен жеті жылға айырып, он бес тәулікке қамау қажеттігін алға тартты. Ал ереже қайта бұзылса, өмір бойына көлік айдау құқығынан шеттетіп, елу тәулікке жабу ұсынылды.
♬ оригинальный звук - ORDA - ORDA

Сонымен қатар, заңнамадағы тағы бір өзекті мәселе ретінде стрит-рейсинг аталды. Бұл құбылыс шетелде әлдеқашан ұйымдасқан құқықбұзушылық ретінде танылған. Ұсынысқа сәйкес, қала ішінде көше жарысын ұйымдастырып немесе шектен тыс жылдамдықпен жүрген жүргізушілерге мас болып көлік басқарғандармен бірдей қатаң жаза қолдану қажет.

«Шетелде бұл бұрыннан бері бар, қала ішінде ұйымдастырылып келе жатқан қылмыс. Енді менің ұсынысым осындай адамдарды арақ ішкен адамдармен бірдей санап, жүргізуші куәлігінен айыруымыз керек. Қала ішінде жылдамдық 60 болса, ал жүргізуші 120-мен жүрсе, оны 7 жылға куәлігінен айыру керек және оны 15 тәулікке қамауымыз керек. Екінші рет қайталанса, өмір бойына жүргізу куәлігінен айыру керек және 50 тәулікке қамауымыз керек», —деді Әбенов.

Бұл бастама жолдағы жауапкершілікті арттырып, көше жарыстары мен қауіпті жүргізу әрекеттерінің алдын алуға бағытталған.

«Қылмыстық кодексте де 345-баппен жауапқа тартамыз. Қазір үш адамды өлтірсе, 10 жылға соттап жатырмыз. Бір адам қайтыс болса, 7 жылдан 10 жылға дейін. Егер екі адам қайтыс болса, 10 жылдан 15 жылға дейін. Бұл Германияда қасақана жасалған қылмыс деп саналады екен. Бұл елде екі адам бала қаққан, ол өмір бойына қамауға алынған. Біз де осындай заңға өзгеріс енгізуіміз керек. Сессия біткенше үлгерсек, ІІМ-де, Бас прокуратура да бұл ұсынысымызды қолдайды», — деді Әбенов

Оқи отырыңыз:

Жаңалықтар

барлық жаңалықтар