Бектенов АЭС салу жайлы Степногорск комбинатының жұмысшыларымен кеңесті

ҚР Премьер-министрі Олжас Бектенов Ақмола облысына жұмыс сапары барысында Степногорск тау-кен химия комбинатына барып, елде атом электр станциясын (АЭС) салу тақырыбын көтерді, деп хабарлады Orda.kz.

Бектенов кәсіпорындағы уран өңдеу процесімен танысты. Қазақстан уран өндіру бойынша әлемде көш бастап келеді (әлемдік өндірістің 40%-ын қамтамасыз етеді). Өткен жылы Степногорск комбинаты 1650 тонна уран өнімін өндірген болса, 2026 жылға қарай өңдеу көлемін жылына алты мың тоннаға дейін арттыру жоспарланып отыр.
Премьер-министр Қазақстандағы электр энергиясын тұтыну өндіріс көлемінен асып жатқанын атап өтіп, елдің шетелден электр энергиясын сатып алуға мәжбүр екенін айтты. Үкімет басшысының пікірінше, атом энергетикасы арқылы осы тапшылықты жоюға болады .

«Энергетикалық жүйенің сенімділігі мен тұрақтылығы – үкіметтің басты міндеті. Қазақстанға жаңа негізгі электр энергиясын генераторын енгізу қажет. Егер президент 6 қазанда тағайындаған референдумда халық қолдау білдірсе, біз осы бағытта ілгері жүреміз. Өнеркәсіптің дамуы да, қарапайым тіршілік ету де осыған байланысты. Бұл елдің дамуына мүмкіндік береді», – деді Олжас Бектенов.

Премьер-министр сонымен қатар АЭС салу 10 мыңнан астам жұмыс орнын ашатынын, ал станцияны пайдалануға беру кезеңінде екі мың тұрақты жұмыс орны құрылатынын айтты.  
Энергетика министрі Алмасадам Сәтқалиев АЭС-тер тәулік бойы жұмыс істей алатынын және жоғары тиімділік пен қуаттылықты қамтамасыз ететінін қосты. Қазіргі таңда әлемде 30-дан астам елде қауіпсіздік стандарттарына сай келетін 200-ге жуық атом станциясы жұмыс істеп тұр.

«Мен бұл кәсіпорында 17 жылдан бері еңбек етіп келемін. Өнеркәсіптің қарқынды дамуын ескере отырып, ұжым АЭС салу идеясын толық қолдайды», – деп мәлімдеді кәсіпорынның бас инженері Андрей Черных.