Қазақстанда «Hayat-Vax» және «CoronaVac» вакциналары таусылды

Алматы қалалық денсаулық сақтау басқармасының бастығы Нариман Табынбаев қалада американдық Pfizer вакцинасы қашан болатынын айтты.

Бұл туралы Orda.kz ҚазАқпаратқа сілтеме жасай отырып хабарлайды.

Сондай-ақ, Pfizer вакцинасының тиімділігі әлемнің көптеген елдерінде жоғары бағаланады деп атап өтті. Қазақстанда да аталған вакцинаны көпшілік күтеді.

Біз Қазақстанда Pfizer вакцинасының қашан болатынын нақты айта алмаймыз. Келіссөздер жүріп жатыр, нақты күні әлі белгісіз, - деп жауап берді Алматы қалалық денсаулық сақтау басқармасының бастығы.

Бұған дейін Нариман Табынбаев қалада Sputnik V вакциналары жеткілікті екенін, бірақ Hayat-Vax және CoronaVac вакциналарының таусылып қалғанын айтты.