Атырауда «жасыл белдеуді» құрылыс салу үшін берген ауыл әкімі қызметінен кетті

Атырау облысында полицияның жаңа ғимаратын салу мақсатында жасыл желекті алқапты кескен ауыл әкімі қызметінен босатылды. Оған қоса басқа да лауазымды тұлғаларға тәртіптік жаза қолданылды, деп хабарлайды  Orda.kz тілшісі.

Әңгіме шамамен 2 гектар жер телімі туралы болып отыр. Аталған аумақта Махамбет ауылдық округінің әкімдігі полиция бөлімінің жаңа ғимаратын салуды жоспарлаған. Алайда бұл жоба үшін қолданыстағы заңнама талаптарына және елді мекеннің бас жоспарына қарамастан жасыл желектерді құрту көзделген.

Аталған заңбұзушылықтар прокурорлық қадағалау барысында анықталды. Қадағалау актісіне сәйкес ауыл әкімінің барлық заңсыз шешімдері күшін жойды. Нәтижесінде саябақ аймағын сақтап қалып, аудан экожүйесінің бір бөлігінің жойылуына жол берілмеді.

«Бұл заңбұзушылыққа жол бергені үшін аудан әкімінің орынбасары, жер қатынастары және құрылыс бөлімдерінің басшылары, сондай-ақ «Азаматтарға арналған үкімет» мемлекеттік корпорациясы коммерциялық емес акционерлік қоғамының Махамбет филиалының басшысы тәртіптік жауапкершілікке тартылды. Ал Махамбет ауылдық округінің әкімі атқарып отырған қызметінен босатылды»,  деп хабарлады Атырау облысының прокуратурасы. 

Айта кету кетерлігі  «жасыл белдеуді» құрылыс салу үшін бергені үшін әкімнің қызметтен кетіп жатқаны еліміздегі алғашқы жағдай

Еске салсақ, былтыр күзде Астана маңында 325 Жетісу өңірінен апарған қырғауыл жіберілген болатын. Елорда әкімдігінде хабарлағандай, бұл екінші партиясы - көктемде 850 құс еркіндікке жіберілген еді.

Оқи отырыңыз: 

• Алматыда жаңа жасыл демалыс аймағы салынады: Дархан Сатыбалды құрылысты аралады
• 600 миллион теңгеге жөнделген Шнайдер көпірінің қирауы: ШҚО әкімі пікір білдірді
• Құлсарыда жеті жасар қызды азаптап өлтірген қылмыскер өмір бойына қатаң режимдегі түрмеге тоғытылды