Атырауда 8 жастағы қызды 38 жастағы ер адам ұрламақ болды

Атырау қаласының Нұрсая Болашақ шағынауданында белгісіз ер адам кәмелетке толмаған қызды ертіп әкетуге әрекеттенген. Алайда тұрғындар күдікті әрекетті байқап, араласып үлгерген, деп хабарлайды Orda.kz тілшісі.

Бақытына орай, көршілер жағдайды байқап, уақытылы араласты. Қыз аман-есен, зардап шеккен жоқ. Бақылау камералары жазбасында ер адамның баламен ұзақ сөйлесіп, тіпті құшақтап тұрғаны көрінеді.

Атырау облыстық полиция департаменті күдіктінің ұсталғанын растады.

«Бұл дерек бойынша полиция қызметкерлері 1987 жылы туған күдіктіні анықтап, ұстады. Қазіргі уақытта оған қатысты қылмыстық іс қозғалып, сотқа дейінгі тергеп-тексеру амалдары жүргізіліп жатыр»,  деп мәлімдеді Атырау облыстық полиция департаменті.

Еске сала кетсек, Қарағандыда 15 жастағы қызға үйленген 38 жастағы ер адам сотталып жатыр.