Астанада балаларының көзінше әйелін пышақтаған ер адам терезеден секіріп кетті

Астанада ер адам балаларының көзінше әйелін пышақтап өлтірді. Ол содан кейін жиырма бесінші қабаттан секіріп өзіне қол салмақ болды, деп хабарлайды Orda.kz.

19 маусым күні Астанадағы «Орбита» тұрғын үй кешенінде ер адам әйелін 7 және 10 жастағы ұлдарының көз алдында пышақтап өлтірді. Кейін күдікті 25-қабаттан секіріп, автотұрақта тұрған көліктің үстіне құлаған.

Қылмыстық оқиға бойынша «адам өлтіру» бабы бойынша қылмыстық іс қозғалды. 

Еске сала кетейік, Шымкентте 17 жастағы студент қызды қатыгездікпен өлтірген жігіттің соты басталды. Айыпталушы бұған дейін бойжеткенмен қарым-қатынаста болған 19 жастағы азамат. Тергеушілердің деректеріне зер салсақ, ол айырылысып кеткеніне көндіге алмай, бұрынғы қызынан кек алмақ екен.