Араб басқарушылары Астана әуежайынан кетпекші

 Terminals Holding араб басқарушы компаниясы Астана әуежайынан кетуге дайындалып жатыр, деп хабарлайды Orda.kz.

«Астана әкімдігі мен Terminals Holding (БАӘ) компаниясы арасында тараптардың келісімі бойынша әуежайды басқару бойынша ынтымақтастықты тоқтату туралы келіссөздер жүргізілуде», деп растады Астана әкімінің баспасөз қызметі.

Елордалық билік түсіндіріп өткендей, қолданыстағы заңнамаға сәйкес түпкілікті шешім қабылдау қорытындысы бойынша елордалық әуежайды сенімгерлік басқару процесін тоқтату бойынша тиісті рәсімдер жүргізіледі.

«Астана әуежайы еліміздің негізгі инфрақұрылымдық нысаны мәртебесін сақтап қалады және өткізу қабілетін арттыру, инфрақұрылымды жаңарту және сервис деңгейін арттыру жөніндегі жобаларды іске асыруды жалғастырады», деп атап өтті елорда әкімдігі. 

 Естеріңізге сала кетейік, Terminals Holding ресми түрде тек 2025 жылы ғана Астанадағы Нұрсұлтан Назарбаев халықаралық әуежайын «Terminals Astana Airport Limited» еншілес компаниясы қол қойған 25 жылдық келісімді сенімгерлік басқаруға алған болатын.

Әуежайды басқару шарттарының ішінде Қазақстанның бюджет қаражатын пайдаланбау, жұмыс орындарын сақтау және персоналға арналған оқыту бағдарламаларын іске асыру болды. Сонымен қатар, араб фирмасы әуежайды дамытуға жүздеген миллиард теңге инвестиция тартуға уәде берді.

Былтыр Астана әуежайы қызметкерлері еңбек жағдайы мен жалақы деңгейіне көңілдері толмайтынын айтып, наразылық білдірген. 

Еске салсақ, 2023 жылы қазан айында сол кездегі премьер-министр Әлихан Смайылов Түркістан облысына жұмыс сапары барысында шетелдік инвестор – БАӘ-нің Terminals Holding компаниясымен келісімге қол қойған болатын.