Apple сымсыз құлаққаптарына жасалған зеттеу жалған болып шықты

Әлеуметтік желілерде  Apple сымсыз құлаққаптарынан шығатын электромагниттік сәулені өлшейтін видео жарияланды. Бейне астындағы жазуда AirPods миға деструктивті әсер ететіні айтылған. Болжам бойынша ол адамда жиі бас ауруын тудырады. Осыған қатысты америкалық корпорация өкілдері жауап берді.

Apple AirPods миға зиянды деген пікірді растайтын ғылыми дәлелдер жеткіліксіз. АҚШ Федералды Байланыс комиссиясы (FCC) сымсыз құлаққаптар шығара алатын энергияның максималды мөлшері қауіпсіз шектен 10 есе төмен екенін айтады. Сонымен қатар, ол көптеген зерттеулерге сәйкес қауіпсіз деп саналатын деңгейден төмен.

«Ұялы телефондар мен Bluetooth құлаққаптары радиожиілік энергиясы деп аталатын электромагниттік сәуле шығарады. Бұл энергияның деңгейін ұлттық және халықаралық агенттіктер реттейді. Бұл адам ағзасының энергияны сіңіру жылдамдығын өлшеу арқылы жасалады. Осылайша меншікті сіңіру жылдамдығы (SAR) есептеледі. Және ол адам миының қабығына сіңірілген ватт саны ретінде өлшенеді (Вт/кг)», - дейді американдық корпорация өкілдері.

FCC белгілеген шектеу бар. Ол 1 грамм ми қабығы үшін орта есеппен 1,6 Вт/кг артық емес. Электротехника және электроника инженерлері институты (IEEE) стандарттарын үйлестіру комитеті және электромагниттік қауіпсіздік жөніндегі халықаралық комитет (ICES) орта есеппен 10 грамм ми қабықшасы үшін 2 Вт/кг әсерін шектейді. Иондамайтын радиациядан қорғау жөніндегі халықаралық комиссия (ICNIRP) өз әріптестерін қолдайды. Олардың пікірінше, бас пен денеге арналған құрылғылардың қуаты 10 грамм қабықшаға орташа есеппен 2,0 Вт/кг аспауы керек.

Ұялы телефондар да, құлаққаптар да адаптивті қуатты басқару деп аталатын технологияны пайдаланады. Ол құрылғы шығаратын қуатты реттей алады.

Халықаралық ақпарат агенттігіне хабарласқанда, Apple барлық өнімдердің қауіпсіздік талаптарына сай екендігіне көз жеткізу үшін мұқият сынақтан өткізетінін айтты.

«AirPods және басқа Apple сымсыз құрылғылары барлық қолданыстағы радиожиілік әсер ету ережелері мен шектеулеріне сәйкес келеді. Сонымен қатар, AirPods және AirPods Pro қазіргі РЖ әсер ету шектерінен жартысынан астам төмен», - деді американдық корпорация өкілдері.

Apple сымсыз құлақаспаптарының арнайы энергияны сіңіру көрсеткіштері FCC талап ететін максималды деңгейден әлдеқайда төмен. Компанияның агенттікке берген құжаттарына сәйкес, сол және оң үшінші буындағы AirPods құрылғыларының максималды меншікті энергия сіңіру коэффициенті сәйкесінше 0,134 және 0,068 Вт/кг.

Ғалымдар сымсыз құрылғыларды ұзақ уақыт пайдалану денсаулыққа қаншалықты әсер ететіні туралы үнемі зерттеулер жүргізеді. Қазіргі дәлелдер Airpods және басқа сымсыз құлаққаптардағы радиожиілік сәулелену деңгейі адам ағзасына зиян келтірмейтінін көрсетеді. Сондықтан таралып жатқан ақпарат жалған. Дәлелсіз жасалған зерттеу жұмысына сенбеуге шақырамыз.