Антикор QazAvtoJol директорының Жамбыл облысындағы орынбасарын ұстады

Orda.kz тілшісіне Жамбыл облысында QazAvtoJol облыстық бөлімшесі директорының орынбасары Дәурен Төлтаевтың пара алып жатқан жерінде ұсталғаны белгілі болды.

Тілшіге дереккөздердің хабарлауынша, Төлтаев қызылордалық мердігер компаниядан ақша бопсалаған.

Бұл факті бойынша сотқа дейінгі тергеу жұмыстары басталып, оқиғаға компанияның жоғары басшыларының қатысы бар-жоғы анықталатын болады.

Бұған дейін БАҚ-та QazAvtoJol мекемесінің Жамбыл бөлімшесінде сыбайлас жемқорлыққа қарсы агенттік алғашқы қар жауған кезде жолдарды тазалауға бөлінген қаражаттың ұрлану фактісін тексеріп жатқаны туралы ақпарат пайда болған.

Алайда QazAvtoJol «қысқы жөндеу жұмыстарының уақтылы аяқталмағаны үшін жауапкершілікке тартылады» деген ақпаратты жоққа шығарды.

Авторы: Исламбек Дастан