«Алтын Орда» базарына 200-ден астам шағым түскен

ҚР Сауда министрлігінің колл-орталығы мен телеграм чатына келіп түскен шағымдардың басым бөлігі базар әкімшілігіне және орындарды жалға алуға байланысты.

Базар әкімшілігінің іс-әрекеті, жалға алушылар мен саудагерлерден жалға алынған орындар үшін ақшалай қаражаттың өндірілуін бақылау, базардың санитарлық жағдайы, бақылау таразылары мен кассалық аппараттардың жоқтығы, павильондардағы желдеткіштің және кондиционердің жоқтығы, заңсыз сауда, жаяу жүргіншілер көпірі  және тағы басқалар туралы тұрғындардың шағымында айтылған.

 Сауда және интеграция министрлігінің мәліметінше, қазір барлық шағымдар зерттелуде, олардың саны 200-ден асады.

«Барлық келіп түскен өтініштерді  Сауда комитеті зерделейді және олардың әрқайсысы бойынша мобильді топпен бірлесіп тиісті жұмыстар жүргізілуде, оның құрамына ҚМҰ, Мемлекеттік кірістер департаменті, Сауда министрлігі, Ішкі істер министрлігі, Денсаулық сақтау министрлігі, Төтенше жағдайлар министрлігі, Ауыл шаруашылығы министрлігі, Алматы облысының әкімдігі», - деп хабарлайды ведомствоның баспасөз қызметі.

Қазақстан Республикасы Сауда және интеграция министрлігі Сауда комитетінің төрағасы міндетін атқарушы  Айдар Әбілдабековтің сөзінше құрылған күннен бастап аз ғана уақыт ішінде мобильді топ базарға экскурсия жүргізіп, оның барысында жалға алушылар, саудагерлер, сатып алушылар тыңдалды, азық-түлік, көкөністер мен жемістердің бағаларымен танысуға мүмкіндік туған.

«Бүгіннің өзінде базар аумағында 15 қосымша бақылау таразылары орнатылды. Бір ай ішінде базар павильондарына тоғыз кондиционер орнатылады. «Алтын Орда» базарының әкімшілігі басқа да анықталған кемшіліктерді жоюы тиіс. Ең алдымен, базар аумағына кіре берістегі түсініксіз ақы алуды жоюға мүмкіндік беретін «автоматты» шалгбаумдар орнату қажет. Екіншіден, барлық қаражат касса арқылы қабылданатын болғандықтан, нарықтың өзінде заңсыз алымдарды жою керек. Сонымен қатар, базар әкімшілігіне жүргізушілер аймағын жаяу жүргіншілерден бөлу мәселесін шешу, оның ішінде жаяу жүргіншілер өткелдерін қарастыру қажеттігі туралы ұсыныс айтылды. Сондай-ақ базардың санитарлық жағдайын жақсарту бойынша да ұсыныстар берілді. Бір айдың ішінде сауда тоқтап қалмас үшін аумақтарда кезек-кезегімен санитарлық тазалық жұмыстары жүргізіледі»,-  деді Әбілдабеков.

Тексерулер мен шағымдар базардағы шаруаларға жүк көліктеріне 100 тегін орын бөлінгеннен кейін басталды. Бұл фермерлерге ауыл шаруашылығы өнімдерін тұтынушыларға делдалсыз тікелей сатуға мүмкіндік береді деп болжанған.