Алматының екі тұрғыны жер сілкінісі туралы жалған ақпарат таратқаны үшін айыппұл төлейді

Жалған ақпарат таратқан 18 және 29 жастағы екі әйел адам анықталып, олардың әрқайсы 36 920 теңге айыппұл төлейтін болды, деп хабарлайды Orda.kz.

Қалалық прокуратура Алматыда болған жер сілкінісі кезінде тараған жалған ақпарат азаматтар арасында үрей тудырып, қоғамдағы үлкен наразылыққа себеп болғанын атап өтті.

 «Аталған тұлғалар Қазақстан Республикасы Әкімшілік құқық бұзушылық туралы кодексінің 456-2-бабының 3-бөлігі «Онлайн платформаларды пайдаланушылардың жалған ақпарат жариялауы, таратуы, қоғамдық тәртіпті бұзуға жағдай жасауы» бойынша әкімшілік жауапкершілікке тартылды. Оларға 10 айлық есептік көрсеткіш мөлшерінде айыппұл салынды» деп хабарлады қалалық прокуратура. 

Бұған дейін полиция Алматыда жалған ақпарат таратқандар табылғанын хабарлаған болатын.