Алматыдағы ҚазҰУ аумағындағы жас жігіттің қазасы: Тергеу ісі

ҚР Ғылым және жоғары білім министрі Саясат Нұрбек Алматыдағы әл-Фараби атындағы Қазақ ұлттық университетінің су бұрқағында жас жігіттің өліміне қатысты пікір білдірді.

Бұл туралы Zakon.kz хабарлады.

 «Алматы қаласы Бостандық полиция басқармасының сот-медициналық сараптамасының ресми қорытындысын күтіп отырмыз. Ақпарат қолымызға тие сала мәлімдеме жасаймыз. Біз бұл жағдайды естен шығармадық. Қайткен күнде де сот-медициналық сараптаманың қорытындысын күтуіміз керек», — деді ол.

Алайда министр тергеу ісінің неге ұзаққа созылғанын білмейтінін айтты. Оның айтуынша, субұрқақ қалыпты жұмыс істеп тұр, онда ақаулар жоқ.

Еске сала кетейік, 19 маусымда Алматыдағы әл-Фараби атындағы Қазақ Ұлттық университетінде субұрқаққа түскен  жас жігіт қайтыс болған еді.