Депутат қарыз алушылардың құқықтарын қорғауға шақырды

Мәжіліс депутаты Аманжан Жамалов банктердің қарыз алушыларға деген көзқарасын өзгертуді ұсынды. Атап айтқанда, депутат несие бойынша 90 күндік мерзімі өткеннен кейін өсімпұлдар мен банктік пайыздарды есептеуді тоқтататын уақыт келді деген пікір білдірді.

Бұл туралы Orda.kz хабарлады.

- Ипотека бойынша ғана емес, қарыздардың барлық түрлері бойынша сыйақы мен мерзімін өткізіп алғаны үшін айыппұлды есептеуді тоқтату мерзімін 90 күнтізбелік күнге белгілеу керек. Бұл шара кредиттерге қызмет көрсетуде қиындық көріп отырған қарыз алушылардың борыштық жүктемесін ұлғайтуды болдырмауға мүмкіндік береді. Бүгінде банктер пайыздарды есептеуді жалғастыруда, осылайша мерзімін өткізіп алуды одан әрі ұлғайтуда, – деп ұсынды депутат.

Сондай-ақ, ол жалғыз тұрғын үй бойынша қарыздарды өтеу есебінен олардан берешекті өндіріп алу кезінде көп балалы қарыз алушылардың құқықтарын қорғауды күшейту қажет деп санайды.

- Өкінішке қарай, жақында ғана қаржы реттеу агенттігі мен банктер арасында қол қойылған жалғыз тұрғын үйді сатуды және одан шығаруды тоқтата тұру туралы меморандум заңды міндетті құжат болып табылмайды және бар болғаны 12 айға қол қойылды, – деді ол.

Депутат төлемге қабілетсіз қарыз алушылардың мүлкін сату бойынша аукциондар өткізу кезінде банктердің тәсілдерін қайта қарауды ұсынды. Төмендетуге арналған электрондық аукцион тәсілімен өткізілетін кепілдікті тұрғын үйдің шекті бағасы бастапқы бағалаудың кемінде 75% шегінде белгіленсін.

Сондай-ақ, Жамалов кепіл берушіге өз мүлкін сотқа дейінгі реттеу сатысында өз бетінше сату құқығын беруді және ол үшін үш ай мерзім белгілеуді ұсынды.

Депутаттың тағы бір бастамасы — банктер мен микроқаржы ұйымдарын, егер ол кепіл сатылғаннан кейін пайда болса, ипотекалық қарыз бойынша қарыздың қалдығын есептен шығаруға міндеттеу керектігін алға артты.