Алматы - Минск бағыты бойынша жаңа рейс ашылды

SCAT әуекомпаниясы Алматы – Минск – Алматы бағыты бойынша жаңа тікелей рейсті іске қосты. 10 тамыз күні таңертең алғашқы ұшақ Беларусь астанасына аттанды, деп хабарлайды Orda.kz.       

Рейстер аптасына екі рет – сәрсенбі және жексенбі күндері орындалады:

·         DV807 Алматы – Минск

·         DV808 Минск – Алматы

Әуекомпанияның мәлімдеуінше, бұл жаңа бағыт іскерлік сапарлар, туризм және туыстарға жайлы бару үшін қосымша мүмкіндіктер ашады.

Бір бағытқа билет құны – 120 мыңнан 180 мың теңгеге дейін, ұшу күніне байланысты өзгеріп отырады (әуекомпанияның сайтынан қарайсыздар).

Сенбіге қараған түні төтенше жағдай салдарынан Air Astana KC955 авиакомпаниясының Алматыдан Астанаға ұшқан рейсі бірнеше сағатқа кешіктірілді.