Алмасбек Садырбаев бас мүфтиге ұсыныс жасады

9 шілде күні болған «Ашық алаң» жобасында Shopan-atа қой өсірушілер ұлттық қауымдастығының төрағасы Алмасбек Садырбаев еліміздің бас мүфтиіне ұсыныс жасады.

Бұл туралы Orda.kz хабарлайды.

Оның айтуынша жөн-жосықсыз мал союдан сақтанып, тірі малды алып қалу керек. Сондай-ақ, Алмасбек Садырбаев Маңғыстау мен Қызылордаға көмектесейік деді.

–Құрметті қазақ елі біз мұсылманбыз. Құрбан айт мейрамы жақындады. Қазақ елі Ораза айтқа садақасын жасап болды. Мыңдаған мал қырылып жатыр. Осы Оразаға арнаған қаражатты Маңғыстау мен Қызылордаға жіберейікші. Бас мүфтиге ұсыныс. «Бір тірі малды алып қалғанның өзі де сауап» деп пәтуа шығарса екен.

Сондықтан биыл жөн-жосықсыз малды соймайық. Керісінше бар малымызды сақтап қалайық. Бүкіл елге, халыққа ұсыныс. Ысырап демеймін, бірақ мынаны тоқтату керек. Пандемияда да Ораза айтты тоқтаттық қой. Ел болып соны қолға алсақ деймін, - деді Алмасбек Садырбаев.