АҚШ-тың әлеуметтік желілерінде Трамп қайтыс болды деген сыбыс тарады

АҚШ-та президент Дональд Трамптың қайтыс болуы мүмкін деген әңгімелер қызу талқыланып жатыр, деп хабарлайды Orda.kz.

Болжамға вице-президент Джей Ди Вэнстің «күтпеген жағдай» бола қалса мемлекет басшысы лауазымына дайын екенін мәлімдегені себеп болды. Осыны растай түскендей Трамп өткен сейсенбіден бері жұртшылыққа көрінбеген, ал оның алдағы іс-шаралары тоқтатылған.

Әлеуметтік желілерде «Trump is dead», «Trump died» және «Where is Trump» деген сауалдар күннен күнге күрт өсе түсті. Конспирологтар Ақ үйдің есептерінде көрсетілген президенттің денсаулығына қатысты проблемаларға назар аударып, оның қолының көгергеніне назар аударды. Оған қоса Пентагонның төтенше жағдай кезінде белгі беретін «пицца-индекс» туралы аңыз да тарап жатыр.

Әзірге ресми растау жоқ, бірақ осындай әңгімелердің дүрбелең тудырғаны да рас. Трамптың қайтыс болуы саяси дағдарысқа әкелуі мүмкін: Конституция бойынша Вэнс сайлауға дейін автоматты түрде президент міндетін атқарушы болады. Бұл Вашингтондағы күштер тепе-теңдігін өзгертіп, әкімшілікте өзгерістер тудырады.

SVTV NEWS телеграм арнасының хабарлауынша, Трамп тірі және гольф ойнап жүр. Бұл туралы Axios журналисі Майк Аллен Ақ үйге жақын шенеунікке сілтеме жасап хабарлады.

Екі жыл бұрын Дональд Трампқа 37 айып тағылып, барлығы 20 жылға бас бостандығынан айырылуы мүмкін деген де сөз тараған болатын. АҚШ-тың бұрынғы президенті елдегі ең құпия құжаттарды құпиясыздандырды деген күдікке ілінді. Дегенмен артынша ол АҚШ президенті болып шыға келді.