Ақпарат министрлігі Медиазона басылымына талап қойды

ҚР Ақпарат және әлеуметтік даму министрлігі Mediazona редакциясына талап қойды. Олар елбасының муралында клоун мұрны бейнеленген суретімен бөліскен. Министрлік журналистерге қоғамдық қорлау және Нұрсұлтан Назарбаевтың ар-намысы мен қадір-қасиетіне қол сұғушылық туралы заңды еске салды. Басылым суреттерді алып тастамады, тек оны бұлыңғыр етіп қойды.

Бұл туралы Orda.kz хабарлады.

Ақпарат министрлігінен «ұсыныс хат» редакцияға 22 шілдеде келіп түсті. Департамент мұндай әрекеттер үшін айыппұл, түзеу жұмыстары, үш жылға дейін бас бостандығынан айыру сияқты жауапкершілік қарастырылғанын еске түсірді.

Еске салсақ, Жароков пен Мыңбаев көшелерінің қиылысында орналасқан гараждағы қабырға суреті бірнеше рет өзгерген.

Назарбаевтың алғашқы бейнесі портретте «Cancel» («Болдырмау») сөзімен пайда болған.

Кейін шілденің басында металлург боп жұмыс істеп жүрген жас Назарбаевтың суреті салынды.

Бейсенбіде қабырғада «Cancel» сөзі тағы да пайда болып, «Forever yоung» («Мәңгі жас») деген сөз боялған. Енді портрет Джокердің бейнесіне ұқсайды.

Өзгертілген қабырға суретін The Village Kazakhstan жариялады, содан кейін Ақпарат министрлігі тұңғыш президентті қорлау туралы мақаланы еске түсіре отырып, олардан бұл жаңалықты алып тастауды талап етті. Редакторлар суретті бұлыңғырлатты.

Комитет МИОР прислал нам письмо, чтобы мы удалили новость про мурал #cancelElbasy (его в тот день закрасили, кстати) — мол, мы нарушаем Конституционный закон и Уголовный кодекс. Удалять, конечно, не будем, но будем разбираться ? Уже пообщались с экспертами. pic.twitter.com/Jmrbv5JAFl

— жар души (@_aisana) May 28, 2021

Кейінірек қабырға ақ түспен боялып, онда «I'll be back» («Мен қайтып келемін») деген жазу шықты.

Екі жағдайда да, граффитиде Назарбаевтың бет-әлпетінен басқа, #Qazaqkoktemi хэштегі пайда болды, бұл Назарбаевқа арналған граффитиде жиі қолданылады.

Мысалы, 2020 жылдың 1 желтоқсанында Алматыдағы тұрғын үйлердің бірінің қабырғасына «#47,3 млрд ~ ₸ атына» деген жазуы бар баннер #cancelElbasy хэштегімен ілінді.

2020 жылдың ақпанында Көктем-2 ықшамауданындағы тұрғын үйдің бірінде «Оскары жоқ паразиттер» деген қолтаңбасы бар Назарбаев пен Қазақстанның қазіргі президенті Қасым-Жомарт Тоқаевтың портреттері пайда болды.

Редакция қабырға суретін өшірмеді, бірақ елбасының ар-намысы мен қадір-қасиетіне нұқсан келтірмеу үшін оны бұлыңғырлатты. Суреттің түпнұсқасы RUKH-тің Instagram парақшасына тиесілі.