2026 жылы кәріз құдықтары мәселесі шешіледі — Ерболат Досаев

Алматыда аулалар мен жолдардағы кәріз құдықтары қақпақтарын ауыстыру жұмыстары 2026 жылға дейін толық аяқталады деп мәлімдеді қала әкімі Ерболат Досаев Бостандық ауданындағы тұрғындармен кездесуінде. Оның айтуынша, биылдан бастап қақпақтарды жөндеу және ауыстыру стандарттары бекітіледі, деп хабарлады Orda.kz.

«Алматының  бұл мәселелері жоспарлы түрде шешіліп жатыр», — деді Досаев. 

Досаев, сондай-ақ, өткен жылдың сәуір айында жөндеу аудан әкімдеріне тапсырылғанын,  нәтижесінде «іс алға басқанын» атап өтті.

Әкім жаңа стандарттарды қабылдау жоспарлары туралы мәлімдеді.

«Қалалық мобильділік басқармасымен бірге біз биыл жаңа стандарттарды бекітеміз деп үміттенеміз. Келесі жылдың көктемінен бастап жаңа стандарттар бойынша жұмыс істейміз», — деп түйіндеді ол.