1 наурызда Астана мен 11 өңірде дауылды ескерту жарияланды

1 наурызда –  көктемнің алғашқы күні Астанада және тағы 11 өңірде дауылды ескерту жарияланды, деп хабарлайды Orda.kz  Қазгидромет баспасөз қызметіне сілтеп.

Астанада 1 наурызға қараған түні және таңертең тұман күтіледі.

Ақмола облысында жексенбіге қараған түні және таңертең облыстың батысында, оңтүстігінде және шығысында тұман күтіледі.

Алматы облысының оңтүстігінде және таулы аудандарында 1 наурызға қараған түні  қар жауып, бұрқасын күтіледі. Облыстың оңтүстігі мен таулы аудандарында тұман, көктайғақ болады. Солтүстік-шығыстан соғатын жел облыстың шығысында, тау бөктері мен таулы аудандарында секундына 18–23 метрге дейін жетеді. Түнде облыстың солтүстігінде -25 градусқа дейін қатты аяз күтіледі. 

Алматы қаласында тұман түсіп, көктайғақ болады. Қонаевта да кей уақытта тұман түсіп, көктайғақ күтіледі.

Түркістан облысында жексенбі күні таулы аудандарда жауын-шашын (жаңбыр, қар), көктайғақ, жаяу бұрқасын күтіледі. Облыстың батысында, оңтүстігінде және таулы аудандарында тұман болады. Солтүстік-шығыс желі облыстың солтүстігінде және таулы аймақтарында секундына 15–20 метрге дейін күшейеді. 

Шымкент қаласында  тұман күтіледі. Түркістан қаласында да 1 наурызда тұман болуы ықтимал.

Қызылорда облысының орталығында және солтүстігінде тұман, көктайғақ күтіледі. Солтүстік-шығыс желі күндіз облыстың орталығы мен шығысында секундына 15–20 метрге дейін жетеді. Қызылорда қаласында 1 наурызда көктайғақ болады. Күндіз солтүстік-шығыс желінің екпіні 15–20 метрге дейін күшейеді.

Маңғыстау облысында жексенбіге қараған түні және таңертең облыстың батысында, оңтүстігінде және орталығында қатты жауын-шашын (негізінен қар), көктайғақ күтіледі. Түнде облыстың орталығында жаяу бұрқасын болады. Оңтүстік-шығыс желі түнде облыстың шығысы мен орталығында секундына 15–20 метрге дейін күшейеді. 

Ақтау қаласында 1 наурызға қараған түні және таңертең кей уақыттарда қатты қар мен көктайғақ күтіледі.

Қостанай облысының батысы мен солтүстігінде қар, жаяу бұрқасын күтіледі, күндіз қар жауады, облыстың батысы мен солтүстігінде жаяу бұрқасын, көктайғақ болады. Облыстың оңтүстігі мен шығысында тұман күтіледі. Оңтүстік-шығыс желі күндіз облыстың батысы мен солтүстігінде секундына 15–20 метрге дейін күшейеді.

Солтүстік Қазақстан облысында жексенбі күні облыстың оңтүстігінде тұман күтіледі.

Жетісу облысының солтүстігінде, орталығында және таулы аудандарында тұман болады. Солтүстік-шығыс желі Алакөл көлдері ауданында секундына 15–20 метрге дейін, күндіз кей уақыттарда 23–28 метрге дейін күшейеді. Түнде облыстың солтүстігінде -25 градусқа дейін қатты аяз күтіледі.

Талдықорған қаласында таңертең тұман болады.

Батыс Қазақстан облысында жексенбі күні күндіз облыстың батысы мен солтүстігінде жауын-шашын (жаңбыр, қар), жаяу бұрқасын, көктайғақ күтіледі. Облыстың батысы мен оңтүстігінде тұман болады. Орал қаласында 1 наурызда күндіз жауын-шашын (жаңбыр, қар), жаяу бұрқасын және көктайғақ күтіледі.

Оқи отырыңыз:

• Тоқаев Ирандағы жағдайдың ушығуына байланысты қауіпсіздік шаралары бойынша тапсырма берді
• Иран қарулы күштері Таяу Шығыстағы АҚШ-тың 14 әскери базасына cоққы жасады
• Иран «өзін қорғауға заңды құқығы» бар екенін мәлімдеді