Жерде магниттік дауыл басталды: Қандай өзгеріс болады?

cover Фото: freepik.com

Жерде әлсіз магниттік дауыл басталды. Ол бір тәулік ішінде күшеюі мүмкін, деп хабарлайды Orda.kz. 

Бұл туралы РҒА Ғарыштық зерттеулер институтының күн астрономиясы зертханасы хабар таратты. 

«Планеталық масштабтағы магниттік дауылдардың басталғаны тіркелді. Қазіргі уақытта деңгейі G1 (әлсіз дауыл), алайда тәулік ішінде G2–G3 деңгейіне дейін өсуі мүмкін. Бұл дауылдардың нақты бір себебі жоқ», — деп түсіндірді ғалымдар.

Зертханадағылардың айтуынша, қазіргі уақытта Жердің Батыс жартышарындағы түнгі аймақта қарқынды полярлық сәуле  байқалған. Оның қарқындылығы максималды деңгей 10-ға жетті. Бұл сәуле Канаданың барлық аумағы мен АҚШ-тың солтүстік штаттарына көрінген. Ресей аумағы үшін жағдай шамамен 10 сағаттан кейін айқындала бастайды.

Магниттік дауыл – бұл Жердің магнит өрісінің Күннен келетін ерекше белсенділікке реакциясы. Күннен шыққан плазмалық бұлттар немесе ірі жарқылдар Жердің магнит өрісіне әсер етіп, күшті электрлік ток пен полярлық сәуле туғызады.

Сонымен қатар, магниттік дауыл электроника мен байланыс жүйелеріне әсер етеді. Радио және спутниктік байланыс үзіліп, GPS навигациясы дәлдігін жоғалтуы мүмкін. Электр желілерінде ток құбылыстары пайда болып, кейде ақау тудырады. Полярлық маршруттардан ұшатын ұшақтар мен спутниктердің кейбір жүйелері уақытша істен шығуы ықтимал.

Оқи отырыңыз:

Жаңалықтар

барлық жаңалықтар