«Жансақтау бөліміндегі 1 ай»: Бестеректе апатқа ұшыраған 9 жастағы қыз өмірден озды

Трагедия 19 тамыз күні Абай облысы Үржар ауданы Бестерек ауылында болды. 55 жастағы Toyota Camry жүргізушісі үйдің қақпасының жанында, жолдан бар болғаны 10 метр жерде тұрған балаларды қағып кетті. Екі бала оқиға орнында қаза тапты, тағы бір бала ауруханаға жетпей жол бойында қайтыс болды. Үш бала түрлі жарақат алды, деп еске салады Orda.kz.

Апаттан кейін тоғыз жастағы ағасы мен қарындасы елордадағы көпбейінді №2 балалар ауруханасына жатқызылды. Үшінші зардап шеккен қыз Үржар аудандық ауруханасында болатын. Тек 23 тамызда оның жағдайы ұшуға жарамды деп бағаланып, санитарлық авиация арқылы Семей медицина университетінің госпиталіне жеткізілді.

Kazinform мәліметіне зер салсақ, аймақтық денсаулық сақтау басқармасы қыздың бір айдан астам уақыт жансақтау бөлімінде жатқанын хабарлаған. Дәрігерлер оның өмірі үшін күресті, алайда жарақаты өте ауыр болып шықты. Ол есін жимай қайтыс болды.

Қалған екі зардап шеккен бала аман қалды. Астанада ұзақ емделгеннен кейін олар туған жерлеріне оралып, қалпына келу үшін ем алып жатыр.

Оқиға бойынша сотқа дейінгі тергеу жүргізіліп жатыр. Жүргізуші қамауға алынды. Сараптама апат кезінде оның мас емес екенін көрсетті.