Жаңа парламентті Мәулен Әшімбаев басқара ма?

Сенат спикері Мәулен Әшімбаевқа жаңартылған парламенттің төрағасы лауазымына үміткер бола ма, эждеген сұрақ қойылды, деп хабарлайды Orda.kz.

Сенат спикерінің айтуынша, жаңа бір палаталы парламенттің төрағасы лауазымына үміткерлер туралы айтуға әлі ерте екен. 

Әшімбаевтың айтуынша, сенаторлар қазір жыл соңына дейін қабылдануы тиіс барлық заңдарды пысықтауға баса назар аударуда. 

Айта кетейік, Қасым-Жомарт Тоқаев 8 қыркүйектегі жолдауында сенатты таратуды, парламентті реформалауды және оны бір палаталы етіп қалдыруды ұсынды. Президент бұл мәселе бойынша 2027 жылы жалпыұлттық референдум өткізуді тапсырды.