Жамбыл облысында 6 адам газдан уланып көз жұмды

Жамбыл облысының екі ауылында газдан уланып, 6 адам көз жұмды, деп хабарлайды Orda.kz. 

Жамбыл облысының Төтенше жағдайлар департаментінің мәліметінше, бір адам ауыр халде ауруханада жатыр. Алғашқы оқиға Жамбыл ауданы Қызыл Шарық ауылындағы жеке тұрғын үйде 17 қазан күні сағат 07:40 шамасында болған.

Табиғи газ бен сөнген пеш салдарынан үш адам уланған. 1963 жылы туған үйдің иесі мен оның 1988 жылғы ұлы қайтыс болды, ал 2007 жылы туған немересі ауыр жағдайда ауруханаға жатқызылған.

Ал 16 қазанда Т.Рысқұлов ауданындағы ауылда жеке тұрғын үйде шәйнек қайнап, газ плитасының сөніп қалуынан газ шығып кеткен. Табиғи газдан улану салдарынан үйдің 1967 және 1975 жылы туған иелері, сондай-ақ олардың 2011 және 2019 жылы туған балалары қайтыс болды.