Қыркүйектен бастап бакалавриат бойынша шәкіртақы 31 мың теңгеден асады, ал магистратура бойынша шәкіртақы 76 мың теңге болады.

Бұл туралы Orda.kz хабарлады.

ҚР Білім және ғылым министрі Асхат Аймағамбетов биыл студенттердің шәкіртақсы өсетіні туралы мәлімдеді.

– Осы жылдың қыркүйегінен бастап бакалавриат бойынша стипендия мөлшері 31 мың теңгеден сәл асады, магистранттарда 15 процентке өседі, шамамен 76 мың теңге. Докторантура бойынша да осындай өзгерістер бар. Жалпы соңғы бір жарым жыл ішінде докторанттардың стипендиясы 82 процентке өсті. Бірақ соған қарамастан олар қыркүйектен бастап қазіргідей 150 мың теңге емес, 172 мың теңге алады деп жоспарлануда, – деді министр.

Шәкіртақы мөлшері 2025 жылға дейін қадам-қадаммен артады.

Министрдің айтуынша, 2025 жылы гранттар саны 75 мыңға көбейеді.

Биыл мемлекет гранттар санын 51 мыңнан 56 мыңға арттырған.

Бөлісіңіз: