«Үйге кеш келді»: Қызғаныштан әйелін бауыздаған еркек 11 жылға сотталды

21 маусымда Ақтөбе облысының Мәртөк ауылында арақ ішіп алған күйеуі, әйелі кешке үйге келген соң оны бауыздап тастаған болатын. Сол іске қатысты сот шешімі шықты, деп хабарлады Orda.kz.

«Менің қалам» сайтының ақпаратына сүйенсек, сағат 22:00 шамасында айыпталушы балаларды ұйықтатып, әйеліне телефон соғып, қайда екенін және қашан үйге келетіні туралы сұраған. Әйелі достарымен серуендеп жүргенін және кейінірек оралатынын айтқан. Айыпталушы терезеден әйелі көлікпен келгенін көргенде, ол әлдеқашан шылқа мас болатын.

Ашуланған күйеуі асханадан пышақ алып, аулаға шыққан. Ол әйеліне дөрекі сөздер айтып, оның кеш оралуына ыза болған. Сосын ерлі-зайыптылар арасында дау шығып, күйеуі қызғаныштан әйеліннің мойнына бірнеше рет пышақ сұғып алған.

Сарапшылар әйелдің денесінде көптеген пышақ жарақаттарының бар екенін және сүйектері сынғанын анықтады. Әйел сол жерде көз жұмған.

Айыпты көршісі мен анасы шуды естіп келгенше әйелге пышақ сұға берген. Оқиғадан соң, көршісі оның әйелінің бірнеше рет қоңырау шалып, балаларды тексеруін сұрап, такси таба алмай жатқанын хабарлағанын айтыпты.

Айыпталушы өз кінәсін мойындап, әрекеттерін «қызғаныштан болды» деп түсіндірген. Сот оны 11 жылға қатаң режимдегі колонияға жіберді және марқұмның анасына 10 миллион теңге моральдық өтемақы төлеуге міндеттеді.

Сонымен қатар, айыпталушы бұған дейін ұрлық үшін сотталған болатын. 

Сот шешімі әлі заңды күшіне енген жоқ.