Түркістан облысында балабақша меңгерушісі «өміріне қауіп төнгенін» мәлімдеді
Түркістан облысы Түлкібас ауданы Сазтөбе ауылының тұрғыны «Қарлығаш» балабақшасының меңгерушісі Ақмарал Бүрлібаева өміріне қауіп төнгенін мәлімдеді.
Бұл туралы ол Facebook парақшасында жазды.
Бүрлібаеваның Orda.kz тілшісіне айтуынша, өзі басқарып отырған «Қарлығаш» балабақшасында 304 тәрбиеленуші бар. Үш күн бұрын балабақшаның жайы туралы екі жазба жариялаған. Онда балабақшаның қоршауы қирап жатқанын, шатырынан су өтетінін, есігі мен едені шірігенін жазған. Жазбаға ауыл әкімінен бастап Білім министрін тіркеген. Содан кейін оған арналған жазбалар шыққан. Бүрлібаева өзінің ғана емес, ұлының да өміріне алаңдайтынын айтады.
- Балабақшаға қатысты жазған күні ауыл тұрғыны маған арнап жазба жариялады. «Бәлеқор, 24 сағатта ауылдан көшіреміз» деді. Мұны ауыл әкімімен байланыстырамын. Жазба жазған адам әкімнің туысы. Әйтпесе, ол кісімен бас араздығым болмаған, - дейді Бүрлібаева.
Бүрлібаева өзі мен ұлының өміріне қауіп төнгенін әлеуметтік желіде де мәлімдеді. Ол: «Маған қатты қысым басталды. Жұмыстан келе жатып немесе өз үйімде бір жағдайға ұшырасам, ол адамдардың тізімдері белгілі. Менің өміріме сол азаматтар жауапты. Менің басқа жауым жоқ» деп жазды.
Әйтсе де, Бүрлібаеваның жазбасынан соң Сазтөбе ауылының әкімі Асқар Айдарбеков бірнеше адаммен «Қарлығаш» балабақшасына барып, мән-жаймен танысқан. Ал балабақша меңгерушісі мәлімдеген қысым жөнінде әлеуметтік желіде тектелгенімен растап, не жоққа шығарып пікір білдірмеген.
Түркістан облыстық полиция департаменті Orda.kz-ке Бүрлібаеваның полицияға шағымданғанын растады.
Ақмарал Бүрлібаева тәрбиеші болып жұмыс істеп жүргенде әлеуметтік желіде балабақшаның жай-күйін жазып, артынан қысым көргенін айтып танылған. Ол түрлі тақырыптарда пікірін ашық білдіріп жүрген маман.
Жаңалықтар
- Жыл басынан бері мемлекет пайдаланылмай жатқан 645 мың гектар жер қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды
- Атырау облысының әкімі Шәпкенов төтенше жағдайларды жою жөніндегі штаб отырысын өткізді
- «Азаттық» тілшісіне қоқан-лоқы жасалды
- Бюджеттегі ысырапшылдық: 500 миллиард теңгеге жуық қаржы құрдымға кетті
- Полиция Жылыой әкімдігі алдында шатыр тігуге бөгет жасады
- Тараз полицейлері тыныс алуы тоқтаған баланы аман алып қалды
- Су басқан аймақтардағы оқушылар емтиханнан босатылады
- Лудомандар санын азайту үшін 80 млн теңге бөлінуі мүмкін
- Новороссийскіге ұшқышсыз шабуыл: Қазақстан мұнайының экспортына қауіп төніп тұр ма?