Тоқаев тақтайша сындырып, қара белбеу иеленді

Президент Қасым-Жомарт Тоқаев дүниежүзілік таэквондо федерациясы президентінің өтініші бойынша жаттығу тақтасына қолтаңбасын қойып, кейін оны бір соққымен сындырды, деп хабарлайды Orda.kz.

«Мен мұны істеуге лайық емеспін, себебі таэквондомен айналыспаймын. Сыйлықтарыңызды ақтау үшін таңертең бірнеше жаттығу жасауға тура келеді», – деп әзілдеді мемлекет басшысы Ақордадағы Чунгвон Чоумен кездесуінде.

Кездесуде Тоқаев бір жұдырықпен тақтаны екіге бөлді. Бұған жиналған шенеуніктер мен ұлттық олимпиада комитетінің басшысы Геннадий Головкин куә болды.

Дүниежүзілік таэквондо федерациясының президенті Чунгвон Чоу Қазақстан президентіне бұл спорт түріндегі ең жоғары марапат — тоғызыншы дан қара белбеуін табыс етті.