Тоқаев Қырғызстан президентімен телефон арқылы сөйлесіп, туған күнімен құттықтады

Көшбасшылар екі ел арасындағы ынтымақтастықтың қарқынды дамып келе жатқанын атап өтіп, Қасым-Жомарт Тоқаевтың осы жылғы 21-22 тамызда Қырғызстанға сапары кезінде қол жеткізілген уағдаластықтардың орындалу барысын талқылады, деп хабарлайды Orda.kz.

Әңгіме барысында Тоқаев Жапаровты туған күнімен құттықтап, Қырғызстан халқының игілігі жолындағы жұмысына табыс тіледі.

Президент Садыр Жапаровтың елдер арасындағы достық, тату көршілік және өзара қолдауға негізделген қарым-қатынастарды дамытуға қосқан орасан үлесін бағалайтынын айтты.

Бұған дейін Қазақстан президенті Финляндия басшысы Александр Стуббаға Тәуелсіздік күніне орай құттықтау жеделхатын жолдаған болатын.

Жаында Қырғызстан президенті балаларды зорлағандар мен әйелдерді өлтіргендерді өлім жазасына кесуді тапсырды.