Тоқаев Ердоғанмен 14 мамырда болатын кездесуді талқылады

cover Фото: Ақорда

Мемлекет басшысы Қасым-Жомарт Тоқаев Түркия президенті Режеп Тайып Ердоғанмен телефон арқылы сөйлесті. Әңгіме барысында Қазақстандағы іс-сапары талқыланды, деп хабарлайды Orda.kz.

Ақорданың хабарлауынша, Режеп Тайып Ердоған биыл 14 мамырда Қазақстанға жоспарланған мемлекеттік сапарына және осы сапар аясында өтетін жоғары деңгейдегі Стратегиялық ынтымақтастық кеңесі отырысына, сондай-ақ Түркі мемлекеттері ұйымының бейресми саммитіне айрықша мән беретінін мәлімдеді. 

«Қасым-Жомарт Тоқаев Түркия басшысының Астанада ұйымдастырылатын жоғары деңгейдегі келіссөздер екі елдің стратегиялық серіктестігіне тың серпін беру тұрғысынан аса маңызды деген пікірін құптады. Сонымен қатар Түркістандағы түркітілдес елдер басшыларының саммитіне үлкен үмітпен қарайтынын айтты. Мемлекет басшысының пікірінше, қазақ халқы Түркия президентін еліміздің төрінде қуана қарсы алады” деп жазды Ақорда. 

Сондай-ақ Ердоған Тоқаевты cәуірде Анталияда өтетін Дипломатиялық форум отырысына қатысуға шақырды. 

Оқи отырыңыз:



Жаңалықтар

барлық жаңалықтар